دوحہ کی گلیوں میں بھٹکتے کتے کا حیران کن ریسکیو

ریسکیو کیا گیا کتا بیلا

قطر کے جدید اور خوبصورت شہر دوحہ میں زندگی ہمیشہ مصروف اور ترتیب سے بھرپور نظر آتی ہے۔ لیکن ایک دن ان ہی گلیوں میں ایک بے زبان زخمی اور بھوکے اسٹریٹ ڈاگ نے سب کی توجہ اپنی طرف مبذول کروا لی۔

ایک گمشدہ سایہ

یہ کُتا جس کا کوئی نام نہ تھا، خاموشی سے دوحہ کی گلیوں میں گھوم رہا تھا۔ اس کی آنکھوں میں خوف تھا، اور جسم پر زخم لوگ اُسے دیکھ کر گزر جاتے، کچھ بچے قریب جانے سے ڈرتے، اور کچھ لوگ ویڈیو بنا کر سوشل میڈیا پر ڈالنے لگے۔ جہاں یہ سب کچھ ہو رہا تھا تب ہی وہاں کچھ ایسے بھی لوگ تھے جن کے دل میں انسانیت باقی تھی۔

چند ہمدرد شہریوں نے جانوروں کی فلاح کے لیے کام کرنے والی ایک مقامی ریسکیو ٹیم سے رابطہ کیا۔ ٹیم فوری طور پر حرکت میں آئی اور دوحہ کی سڑکوں پر اُس کتے کو ڈھونڈنے لگی۔ کتا ڈرا ہوا تھا، قریب آتے ہی بھاگنے کی کوشش کرتا، لیکن ٹیم نے صبر، ہمدردی اور نرمی سے اُسے قابو میں لیا اور ایک محفوظ جگہ منتقل کیا۔

علاج، حفاظت اور نئی زندگی

کتے کو جانوروں کے ایک کلینک لے جایا گیا جہاں مس ڈومینزا نے اُس کے زخموں کا علاج کیا گیا، اسے اچھی خوراک دی گئی، چند دنوں میں وہ کمزور کتا پہلے سے بہتر محسوس کرنے لگا۔ وہ اب خوفزدہ نہیں تھا، بلکہ انسانوں کے ساتھ دوبارہ بھروسہ کرنے لگا تھا۔

ریسکیو ٹیم نے کتے کی تصاویر اور کہانی سوشل میڈیا پر شیئر کی، تاکہ اگر وہ کسی کا پالتو جانور ہو تو اُس کا مالک اُسے پہچان لے۔ ساتھ ہی بہت سے لوگوں نے اُسے اپنانے کی خواہش ظاہر کی۔ بالآخر، ایک مقامی خاندان نے اس اسٹریٹ ڈاگ کو گود لے لیا اور اسے ایک نیا، محفوظ اور پیار بھرا گھر مل گیا۔

آپ ویڈیو میں اس سٹریٹ ڈاگ کو دیکھ سکتے ہیں جسے بیلا کا نیا نام دیا گیا ہے-

یہ واقعہ صرف ایک کتے کی کہانی نہیں، بلکہ انسانیت، احساس اور ذمہ داری کی یاد دہانی ہے۔ قطر جیسے ترقی یافتہ ملک میں بھی سٹریٹ ڈاگز موجود ہیں، اور اُنہیں ہماری توجہ، محبت اور مدد کی ضرورت ہے۔